ХЭРГИЙН ТАНИЛЦУУЛГА: Нэхэмжлэгч нь захиргааны байгууллагын даргын тушаалыг хүчингүй болгож, ажилгүй байсан хугацааны цалин, нийгмийн даатгалын шимтгэлийг гаргуулах, урьд эрхэлж байсан албан тушаалд эгүүлэн томилуулах шаардлага гаргасан. АНХАН ШАТ: Нэхэмжлэлийн шаардлагыг бүхэлд нь хэрэгсэхгүй болгосон. ДАВЖ ЗААЛДАХ ШАТ: Анхан шатны шүүхийн шийдвэрийг хүчингүй болгож, нэхэмжлэлийн шаардлагыг хангаж, давж заалдах гомдлыг хангасан.
ҮНДЭСЛЭЛ: Ашигт малтмалын газрын даргын тушаал нь Төрийн албаны тухай хуулийн холбогдох заалтыг зөрчсөн. Өөрөөр хэлбэл, албан тушаалын нэр өөрчлөгдсөн ч чиг үүрэг хэвээр байхад ажлаас чөлөөлсөн нь хууль зөрчсөн. Мөн нэхэмжлэгчийн эрүүл мэндийн байдал, ажил олгогчоос мэдэгдэл хийгээгүй зэрэг нь эцсийн шийдвэрт нөлөөлсөн.