ХЭРГИЙН ТАНИЛЦУУЛГА: К ХХК нь иргэн Н.Сүхбаатарт и-баримт олгоогүйн улмаас ногдуулсан торгуулийг хүчингүй болгуулахаар шүүхэд ханджээ. Компани нь захиалгын төлбөр бүрэн хийгдээгүй, тавилга хийгдээгүй байсан тул и-баримт олгоогүй гэж тайлбарласан. Хариуцагч тал нь компани нь стандартын шаардлага хангасан кассын машин, төлбөрийн баримт хэвлэх төхөөрөмж хэрэглэх үүргээ биелүүлээгүй, хувь хүний дансаар мөнгө авсан, и-баримтыг цаг тухайд нь олгоогүй нь тогтоогдсон тул Торгууль ногдуулсан нь хуульд нийцсэн гэж үзжээ. АНХАН ШАТ: К ХХК-ийн гаргасан гомдлыг хэрэгсэхгүй болгож, Татварын ерөнхий хуулийн 18 дугаар зүйлийн 18.1.8, Зөрчлийн тухай хуулийн 11.19 дүгээр зүйлийн 6.5-д заасныг баримтлан ногдуулсан 1,500,000 төгрөгийн торгуулийг хэвээр үлдээжээ.
ҮНДЭСЛЭЛ: Худалдан авагчийн төлсөн төлбөрт аж ахуйн нэгж нь хуульд заасан төлбөрийн баримтыг худалдан авагчийн шаардлагаас үл хамааран цаг тухайд нь олгох үүрэгтэй. Тус компани нь и-баримт олгох үүргээ биелүүлээгүй, хувь хүний дансаар мөнгө авсан нь тогтоогдсон тул торгууль ногдуулсан нь хуульд нийцсэн байна. Компанийн шүүхэд гаргасан гомдлыг хэрэгсэхгүй болгосон нь хуульд нийцсэн гэж үзжээ.