ХЭРГИЙН ТАНИЛЦУУЛГА: Сантехникийн ажилд эгүүлэн тогтоолгох, ажилгүй байсан хугацааны олговор гаргуулах, нийгмийн даатгал, эрүүл мэндийн даатгалын дэвтэрт нөхөн бичилт хийлгүүлэх тухай нэхэмжлэл. АНХАН ШАТ: Нэхэмжлэлийг бүхэлд нь хангаж, ажилд эгүүлэн тогтоож, ажилгүй байсан хугацааны олговор болон зохих бичилт хийлгүүлэхийг даалгасан. ДАВЖ ЗААЛДАХ ШАТ: Анхан шатны шүүхийн шийдвэрийг бүхэлд нь эс зөвшөөрч, Хөдөлмөрийн тухай хуулийг буруу хэрэглэсэн гэж гомдол гаргасан. Шүүх анхан шатны шүүхийн шийдвэрийг хэвээр үлдээж, давж заалдах гомдлыг хангахгүй орхисон.
ҮНДЭСЛЭЛ: Ажилтныг ажлаас халсан тушаал нь эрх зүйн акт болон хуулийн шаардлагыг хангаагүй, үндэслэлгүй гэж шүүх дүгнэсэн. Орон тоо, албан тушаал байхгүй, цалингийн сан хүрэлцэхгүй гэх хариуцагчийн тайлбар нь нотлогдоогүй. Ажил олгогч нь ажилтантай байгуулсан гэрээний хувийг олгох үүргээ биелүүлээгүй нь хариуцагчийг буруутай гэж үзэх үндэслэл болсон.