ХЭРГИЙН ТАНИЛЦУУЛГА: Ажилтан нь ажлын байрандаа согтууруулах ундаа хэрэглэсэн гэх үндэслэлээр Хөдөлмөрийн тухай хуулийн 40.1.4-т заасныг үндэслэн ажлаас халсан нь хууль бус гэж үзэж, ажилд эгүүлэн тогтоолгох, олговор гаргуулах, даатгалын шимтгэл нөхөн төлүүлэхээр нэхэмжилсэн. АНХАН ШАТ: Хөдөлмөрийн тухай хуулийн 128.1.2, 69.1-д зааснаар ажилд эгүүлэн тогтоож, ажилгүй байсан хугацааны цалинтай тэнцэх олговорт 14 844 944 төгрөг гаргуулж, даатгалын шимтгэлийг нөхөн төлүүлэхийг даалгаж шийдвэрлэсэн. ДАВЖ ЗААЛДАХ ШАТ: Хариуцагч нь анхан шатны шүүхийн шийдвэрийг эс зөвшөөрч, цуцалсан тушаал нь хууль ёсны бөгөөд үндэслэлтэй байсан, хэмжилтийн төхөөрөмж нь баталгаажсан, ажилтан сахилгын зөрчлийг давтан гаргасан гэж гомдол гаргасан.
ҮНДЭСЛЭЛ: Давж заалдах шатны шүүх нь нотлох баримтыг Иргэний хэрэг шүүхэд хянан шийдвэрлэх тухай хуулийн 40.1, 40.2-т заасан журмаар буруу үнэлсэн, ажилтан давтан зөрчил гаргасан, спиртийн агууламж 0.00% байх шаардлагатайг зөрчсөн, тандагч багаж нь спиртийн хувийг тогтоодоггүй, стандарт хэмжил зүйн газраас баталгааждаггүй гэх үндэслэлүүдээр анхан шатны шүүхийн шийдвэрийг хүчингүй болгож, нэхэмжлэлийг бүхэлд нь хэрэгсэхгүй болгосон.