ХЭРГИЙН ТАНИЛЦУУЛГА: Ажилтан ажлаас үндэслэлгүй халагдсан гэж үзэн, ажлаас чөлөөлөх тушаалыг хүчингүй болгож, өмнөх албан тушаалд эгүүлэн тогтоолгох, улмаар даатгалын дэвтэрт бичилт хийлгэхийг ажил олгогчид даалгахыг хүссэн нэхэмжлэл. АНХАН ШАТ: Нэхэмжлэлийн шаардлагыг бүхэлд нь хэрэгсэхгүй болгосон. ДАВЖ ЗААЛДАХ ШАТ: Гомдол гаргагчийн гомдлыг хангахгүй орхиж, анхан шатны шүүхийн шийдвэрийг хэвээр үлдээсэн. ҮНДЭСЛЭЛ: Ажилтан ажлын байранд согтууруулах ундаа хэрэглэсэн, согтуу ирсэн нь тогтоогдсон бөгөөд энэ нь хөдөлмөрийн гэрээг цуцлах ноцтой зөрчилд тооцогдох тул ажил олгогчийн шийдвэр хуульд нийцсэн байна.