ХЭРГИЙН ТАНИЛЦУУЛГА: Хөлсөөр ажиллах гэрээний дагуу гүйцэтгэсэн ажлын хөлсөө гаргуулах тухай нэхэмжлэлтэй холбогдох хэрэг. Нэхэмжлэгчид "Э" ХХК-тай гэрээ байгуулан шороо зөөвөрлөх ажил хийсэн бөгөөд гэрээний дагуу төлөх ёстой хөлсөө хариуцагчаас шаардсан.
АНХАН ШАТ: Хариуцагч "Э" ХХК-аас нийт 79,088,801 төгрөгийг гаргуулж, нэхэмжлэгч С.Г-т 10,824,500 төгрөгийг, Х.Б-д 31,793,201 төгрөгийг, Б.Б-д 3,200,000 төгрөгийг, Д.Г-д 7,000,000 төгрөгийг, Д.Б-д 6,500,000 төгрөгийг, Б.Э-т 19,771,100 төгрөгийг тус тус олгосугай.
ҮНДЭСЛЭЛ: Талуудын хооронд Иргэний хуулийн 359 дүгээр зүйлийн 359.1-д заасан хөлсөөр ажиллах гэрээ байгуулагдсан нь тогтоогдсон. Нэхэмжлэгчид гэрээгээр хүлээсэн үүргээ биелүүлсэн боловч хариуцагч нь гэрээний дагуу хөлс төлөх үүргээ бүрэн биелүүлээгүй. Хариуцагчийн зүгээс төлбөрөөс татгалзсан үндэслэл нотлогдоогүй. Б.Э-ын хувьд төлбөрийн үлдэгдэл болон тооцоо нийлсэн баримт нь нотлох баримтын шаардлага хангаагүй тул хариуцагчийн тайлбарыг хүлээн зөвшөөрөөгүй.