ХЭРГИЙН ТАНИЛЦУУЛГА: Эрүүл мэндийн байгууллагад ажилладаг Б.О нь шүүхэд хугацаа сэргээлгэх хүсэлт гаргахдаа эмнэлгийн магадлагааг хуурамчаар үйлдсэн гэх хэрэгт холбогдсон. АНХАН ШАТ: Анхан шатны шүүх хэргийг хөөн хэлэлцэх боломжгүй гэж үзэн Б.О-г цагаатгасан. ДАВЖ ЗААЛДАХ ШАТ: Прокурор анхан шатны шүүхийн шийдвэрийг хуулийг буруу хэрэглэсэн үндэслэлээр эсэргүүцсэн. Давж заалдах шатны шүүх хэргийг нэмэлт мөрдөн байцаалт хийлгүүлэхээр прокурорт буцаасан.
ҮНДЭСЛЭЛ: Анхан шатны шүүх хэргийн бодит байдлыг бүрэн тогтоогоогүй, цугларсан нотлох баримтыг бүхэлд нь үнэлээгүй нь Эрүүгийн хэрэг хянан шийдвэрлэх тухай хуулийг зөрчсөн. Прокурор Б.О-г хуурамч эмнэлгийн магадлагаа гаргаж өгсөн хэргээр холбогдуулан яллах дүгнэлт үйлдэж, харин магадлагааг үйлдсэн этгээд Г.Л-д холбогдох хэргийг тусгаарласан боловч түүнд хийсэн цаашдын ажиллагааны талаарх баримт хэрэгт авагдаагүй нь хуулийн зөрчил болсон.