Тогтоол №51231

ХЭРГИЙН ТАНИЛЦУУЛГА: Нийтийн албан тушаалтан албан үүрэг, бүрэн эрхээ урвуулан ашиглаж, улсын төсөвт их хэмжээний хохирол учруулсан, мөн гэмт хэргийн улмаас олсон мөнгө ашигласан хэргүүдэд холбогдсон шүүгдэгч нарыг хянан хэлэлцэв. АНХАН ШАТ: Эрүүгийн хуулийн тусгай ангийн 22.1 дүгээр зүйлийн 2, 18.6 дугаар зүйлийн 1 дэх хэсэгт заасан гэмт хэрэгт холбогдох шүүгдэгч нарт эрүүгийн хариуцлага оногдуулах тухай хэргийг хянан шийдвэрлэв.

ҮНДЭСЛЭЛ: Төрийн болон орон нутгийн өмчийн хөрөнгөөр бараа, ажил үйлчилгээ худалдан авах тухай хуулийг зөрчиж, тендерийн үнэлгээний хорооны бүрэлдэхүүнийг бүрдүүлэн, техникийн шаардлага хангахгүй бараа худалдан авч, улсын төсөвт 95,000,000 төгрөгийн хохирол учруулсан нь тогтоогдож, шүүгдэгч Ю.С-ыг нийтийн албан тушаалтан албан үүргээ урвуулан ашиглаж их хэмжээний хохирол учруулсан, шүүгдэгч Г.Н, Г.А, П.Д нарыг уг гэмт хэрэгт хамжигчаар оролцсон, шүүгдэгч Б.М-ийг гэмт хэргийн улмаас олсон мөнгө авч ашигласан гэм буруутайд тус тус тооцов. Шүүгдэгч С.Д, Ц.Г, Э.Ц нарыг хуулийг болгоомжгүй зөрчсөн гэм буруутайд тооцож, гэмт хэрэг үйлдсэн гэм буруутайд тооцохгүй цагаатгав. Эрүүгийн хуулийн тусгай ангийн 18.6 дугаар зүйлийн 1 дэх хэсэгт заасан гэмт хэргийн хөөн хэлэлцэх хугацаа дууссан тул шүүгдэгч Б.М-т холбогдох хэргийг хэрэгсэхгүй болгов. Шүүгдэгч Ю.С-д нийтийн албан тушаалд томилогдох эрхийг 5 жилээр хасаж, 2 жил 6 сарын хорих ял, шүүгдэгч Г.Н, Г.А, П.Д нарт нийтийн албан тушаалд томилогдох эрхийг хасаж, торгох ял оногдуулж, хохирлыг шүүгдэгч нараас гаргуулж, улсын орлогоос буцаан олгох, шинжээчийн зардлыг шүүгдэгч нараас гаргуулах, зарим битүүмжилсэн хөрөнгийг чөлөөлж, заримыг нь хэвээр үлдээж, таслан сэргийлэх арга хэмжээг өөрчлөн шийдвэрлэв.