ХЭРГИЙН ТАНИЛЦУУЛГА: Компанийн хийсэн гэрээний дагуу гадаадын компаниудаар гүйцэтгүүлсэн ажил үйлчилгээний хөлсөнд ногдох Нэмэгдсэн өртгийн албан татварыг суутган төсөвт төлөөгүй зөрчилд татварын байцаагчаас ногдуулсан төлбөрийг хүчингүй болгуулах тухай нэхэмжлэл. АНХАН ШАТ: Гадаадын компаниудаар хийлгүүлсэн ажил үйлчилгээний орлогод НӨАТ ногдох тул нэхэмжлэлийг бүхэлд нь хэрэгсэхгүй болгосон. ДАВЖ ЗААЛДАХ ШАТ: Анхан шатны шүүх хуулийг буруу хэрэглэсэн. Олон улсын гэрээнд заасны дагуу НӨАТ ногдохгүй, мөн шинээр бий болсон татварт гэрээ хамаарах ёстой гэсэн үндэслэлээр шийдвэрийг хүчингүй болгуулах гомдол.
ҮНДЭСЛЭЛ: Хөрөнгө оруулалтыг хөхүүлэн дэмжих, харилцан хамгаалах тухай олон улсын гэрээний заалт нь нэхэмжлэгчийн бусдад төлөх төлбөр, суутгах НӨАТ-тай холбоогүй гэж шүүх үзсэн. Газрын тосны салбарт оруулсан хөрөнгө оруулалтын гэрээний дагуу ажил үйлчилгээ хийлгүүлсэн этгээдээс ногдох татварыг суутган төсөвт төлөх үүрэгтэй бөгөөд үүргээ биелүүлээгүй нь үндэслэлтэй.