ХЭРГИЙН ТАНИЛЦУУЛГА: Т ХХК нь Монголбанкны улсын байцаагчийн харилцагчийн эцсийн өмчлөгчийг тогтоогоогүй, хуулийн заалтыг хэрэгжүүлээгүй гэх үндэслэлээр ногдуулсан 50,000 нэгжтэй тэнцэх торгуулийн шийтгэлийг хүчингүй болгуулахаар нэхэмжилсэн. АНХАН ШАТ: Банкны шалгалтын явцад илэрсэн зөрчлийг арилгах талаар учир шалтгаан, хугацаатай үүрэг даалгавар өгөөгүй, шууд шийтгэл ногдуулсан нь үндэслэлгүй гэж нэхэмжлэгч үзсэн. Хариуцагч нь 2018 оны шалгалтын үр дүнгээр "А" ХХК-ийн эцсийн өмчлөгчийг тодорхойлох зөвлөмж өгсөн ч хэрэгжүүлээгүй гэж тайлбарласан.
ҮНДЭСЛЭЛ: Т ХХК нь "А э р" ХХК, "У" ХХК, "С" ХХК-иудын эцсийн өмчлөгчийг тогтоогоогүй, хуулийн заалтыг хэрэгжүүлээгүй зөрчлийг илрүүлэн ногдуулсан торгуулийг эс зөвшөөрч гомдол гаргасан. Монголбанкны 2018 оны шалгалтын явцад "А" ХХК-ийн эцсийн өмчлөгчийг тодорхойлох зөвлөмж өгсөн боловч Т ХХК нь охин компаниудын эцсийн өмчлөгчийг тогтоох ажиллагааг хийгээгүй, харилцагчаа таньж мэдэх хуулиар тогтоосон үүргээ биелүүлээгүй нь тогтоогдож, улсын байцаагчаас ногдуулсан шийтгэл нь хууль ёсны байв.