ХЭРГИЙН ТАНИЛЦУУЛГА: Нэхэмжлэгч "Р" ХХК нь хариуцагч ЗГА УТҮГ-т холбогдуулан эд хөрөнгө засан сайжруулалтын зардалд 71,138,146 төгрөг гаргуулах тухай нэхэмжлэлийг гаргасан. АНХАН ШАТ: Хариуцагч ЗГА УТҮГ-аас 48,908,146 төгрөгийг гаргуулан нэхэмжлэгч "Р" ХХК-д олгож, нэхэмжлэлийн 22,230,000 төгрөгийг хэрэгсэхгүй болгосон. ДАВЖ ЗААЛДАХ ШАТ: Хариуцагчийн итгэмжлэгдсэн төлөөлөгч анхан шатны шүүхийн шийдвэрийг хүчингүй болгож, нэхэмжлэлийг хэрэгсэхгүй болгуулахаар гомдол гаргасан. ХЯНАЛТЫН ШАТ: Давж заалдах шатны шүүхээс анхан шатны шүүхийн шийдвэрийн тогтоох хэсгийн зарим заалтыг өөрчлөн, бусдыг хэвээр үлдээсэн. ҮНДЭСЛЭЛ: Талуудын хооронд байгуулагдсан гэрээг хуульд заасан журмыг зөрчсөн, хүчин төгөлдөр бус гэрээ гэж үзэх боломжгүй. Хариуцагч нь гэрээний дагуу засан сайжруулалтын зардалд төлөх үүрэгтэй.