Нийслэлийн Иргэний хэргийн давж заалдах шатны шүүхийн Магадлал

Үйл явдал

Барьцаа хөрөнгийг үнэлэх үйл явц болон үнэлгээний үндэслэл зохих эсэх тухай маргаан үүстэв. Шүүхийн шийдвэр гүйцэтгэх ажиллагааны явцад нэхэмжлэгч тал барьцаа хөрөнгийг зах зээлийн үнэ ханшаас доогуур үнэлсэн гэж үзэн, шинжээч томилолт болон үнэлгээний тайланг хүчингүй болгохыг шаардсан юм.

Талуудын байр суурь

• Нэхэмжлэгч: Шинжээч зах зээлийн судалгаа бодитоор хийгээгүй, харьцуулалт хийсэн хөрөнгийн мэдээлэл дутмаг, биет үзлэг хийгээгүй тул үнэлгээний тайлан бодит байдалд нийцэхгүй байна.
• Хариуцагч: Шинжээч томилолт болон үнэлгээний аргачлал нь хуульд заасан журмын дагуу явагдсан тул нэхэмжлэлийг хэрэгсэхгүй болгох ёстой.

Шатуудын шидвэр

Анхан шатны шүүх нэхэмжлэлийг хэрэгсэхгүй болгож шийдвэрлэсэн бөгөөд давж заалдах шатны шүүх анхан шатны шийдвэрийг хэвээр үлдээв. Шинжээч хөрөнгийг зах зээлийн, орлогын болон өртгийн аргаар харьцуулан үнэлсэн нь хөрөнгийн үнэлгээний тухай хууль 8.2.3-т заасан зохих үндэслэлтэй, тодорхой байх шаардлагад нийцэж байгаа тул нэхэмжлэлийг хэрэгсэхгүй болгосон нь зөв гэж дүгнэв.

Хууль зүйн гол дүгнэлт

• Шинжээч хөрөнгийн талбайн хэмжээ, байршил, ашиглалтад орсон хугацаа, хийц, чанарын үзүүлэлт, дэд бүтэц, нийтэд санал болгосон хэлцлийн байдал, цаг хугацааг харьцуулан дүгнэлт өгсөн тул хөрөнгийн үнэлгээний тухай хууль 8.3.6, 8.3.10-т заасан хөрөнгийн үнэлгээний зүйлийн төрөл, шинж байдал болон үнэ цэнийг тогтооход хэрглэсэн арга, тэдгээрийн нийцтэй байдлыг хуульд нийцүүлэн дүгнэж тайландаа тусгасан байна.
• Нэхэмжлэгч тал нэхэмжлэлийн шаардлага, түүний үндэслэлийг нотлох үүрэг нь өөртөө тулгардаг тул нэхэмжлэлийн үндэслэлийг нотлох баримт тогтоогдоогүй тул нэхэмжлэлийг хэрэгсэхгүй болгосон нь Иргэний хэрэг шүүхэд хянан шийдвэрлэх тухай хууль 25.2.2, 38.1-д заасан зарчимтай нийцэж байгаа юм.
• Шинжээч хөрөнгийг зах зээлийн, орлогын, өртгийн аргаар харьцуулан үнэлсэн нь хөрөнгийн үнэлгээний тухай хууль 8.2.3-т заасан зохих үндэслэлтэй, тодорхой байх шаардлагад нийцсэн тул үнэлгээг хүлээн зөвшөөрөх ёстой.