ХЭРГИЙН ТАНИЛЦУУЛГА: Замын хөдөлгөөний осол гаргаж, бусдын эд хөрөнгөд хохирол учруулсан этгээд болон тухайн тээврийн хэрэгслийн эзэмшигч нь учруулсан хохирлыг барагдуулах үүрэгтэй.
АНХАН ШАТ: Шүүхээс тээврийн хэрэгслийн эзэмшигчээс хохирогчид 23,522,300 төгрөгийг гаргуулж өгөхөөр шийдвэрлэсэн.
ДАВЖ ЗААЛДАХ ШАТ: Хариуцагчийн өмгөөлөгч анхан шатны шүүхийн шийдвэрийг эс зөвшөөрч, нэхэмжлэгчийн байшингийн материалын үнэлгээг хэтрүүлсэн, сөрөг нэхэмжлэлийг бүхэлд нь хэрэгсэхгүй болгосон нь хууль бус гэж үзэн давж заалдах гомдол гаргасан.
ҮНДЭСЛЭЛ: Давж заалдах шатны шүүхээс нэхэмжлэгчийн байшинг буулгаж, гарсан материалын үнэлгээг бодит байдалд нийцүүлэн тогтоож, хариуцагчийн сөрөг нэхэмжлэлийн шаардлагын зарим хэсгийг хангаж, анхан шатны шүүхийн шийдвэрт өөрчлөлт оруулсан.