ХЭРГИЙН ТАНИЛЦУУЛГА: О ХХК нь Ж ХХК-ийн авто засварын газарт байх үед нь шатсан автомашины хохиролд 20,500,000 төгрөг гаргуулах нэхэмжлэл гаргав. АНХАН ШАТ: Ж ХХК-аас 20,500,000 төгрөг гаргуулж, О ХХК-д олгохоор шийдвэрлэсэн. ДАВЖ ЗААЛДАХ ШАТ: Хариуцагч анхан шатны шүүхийн шийдвэрийг эс зөвшөөрч, гал гарахад өөрийн буруутай үйлдэл тогтоогдоогүй, нэхэмжлэгч хохирлыг шаардах эрхгүй гэж гомдол гаргав. Нэхэмжлэгч тал анхан шатны шүүхийн шийдвэрийг хэвээр үлдээхийг хүссэн.
ҮНДЭСЛЭЛ: Хариуцагч нь галын аюулгүй байдлыг хангах үүргээ биелүүлээгүйгээс нэхэмжлэгчийн өмчлөлийн тээврийн хэрэгсэл шатаж, Иргэний хуулийн 497 дугаар зүйлийн 497.1 дэх хэсэгт заасан гэм хор учруулсан нь тогтоогдсон. Учирсан хохирлыг мөнгөөр нөхөн төлөхөөр Иргэний хуулийн 510 дугаар зүйлийн 510.1 дэх хэсэгт заасны дагуу анхан шатны шүүх үнэлгээний тайлангаар хохирлыг 20,500,000 төгрөгөөр тогтоон шийдвэрлэсэн нь хууль зүйн үндэслэлтэй.