ХЭРГИЙН ТАНИЛЦУУЛГА: Нэхэмжлэгч нь ажлаас буруу халсан гэж үзэн, ажлын байрандаа эгүүлэн тогтоолгож, ажилгүй байсан хугацааны олговор, даатгалыг нөхөн төлүүлэхийг шаардсан. Хариуцагч нь байгууллагын бүтэц өөрчлөгдсөнтэй холбогдуулан, хуульд заасан журмыг баримтлан халагдсан, мөн нэхэмжлэгч нь хөөн хэлэлцэх хугацаа хэтрүүлсэн гэж маргажээ. АНХАН ШАТ: Нэхэмжлэгчийг ажилд эгүүлэн тогтоолгож, ажилгүй байсан хугацааны олговор болон даатгалыг нөхөн төлүүлэхээр шийдвэрлэсэн. ДАВЖ ЗААЛДАХ ШАТ: Анхан шатны шийдвэрийг хэвээр үлдээж, хариуцагчийн гомдлыг хангахгүй орхисон.
ҮНДЭСЛЭЛ: Байгууллагын бүтэц зохион байгуулалтын өөрчлөлт нь жирэмсэн эмэгтэйг ажлаас халах үндэслэл болохгүй бөгөөд нэхэмжлэгчийн хувьд Хөдөлмөрийн тухай хуулийн 100 дугаар зүйлийн 100.1-д заасан хамгаалалтыг зөрчсөн. Мөн ажил олгогч нь хөдөлмөрийн гэрээ цуцалсан тухай шийдвэрийг ажилтанд халагдсан өдөрт нь өгөөгүй нь Хөдөлмөрийн тухай хуулийн 43 дугаар зүйлийн 43.3-т харшилсан, улмаар нэхэмжлэгч нь гомдол гаргах хугацаа хэтрүүлээгүй гэж үзсэн.