ХЭРГИЙН ТАНИЛЦУУЛГА: Иргэн У.Ө нь “Н-” ХХК-ийн эсрэг орон сууц захиалгын гэрээгээ цуцалж, урьдчилгаанд төлсөн 13,259,400 төгрөгөө буцаан авахаар шаарджээ. АНХАН ШАТ: “Н-” ХХК-ийн эсрэг 13,259,400 төгрөг гаргуулах шийдвэр гаргасан. ДАВЖ ЗААЛДАХ ШАТ: Хариуцагч тал гэрээ цуцлагдаагүй байхад шийдвэр гаргасан, шаардлага тодорхойгүй гэх гомдол гаргав. Давж заалдах шатны шүүх анхан шатны шийдвэрийг хэвээр үлдээжээ.
ҮНДЭСЛЭЛ: Гэрээ байгуулагдсан боловч хариуцагч тал гэрээгээр хүлээсэн үүргээ биелүүлээгүй нь тогтоогдож, нэхэмжлэгч татгалзах эрхтэй байсан. Хариуцагч тал хэргийн явцад нотлох баримт гаргаж, маргаанаа нотлоогүй тул давж заалдах гомдлыг хангахгүй орхив.