ХЭРГИЙН ТАНИЛЦУУЛГА: Иргэн Н.Бат-Эрдэнэ нь хариуцагч З.Э-тэй байгуулсан орон сууц бэлэглэх гэрээг хүчин төгөлдөр бусд тооцуулах, өмчлөх эрхийг сэргээлгэхээр нэхэмжилжээ. Хариуцагч нь зээлийн гэрээний үндсэн төлбөр болон хүү гаргуулах сөрөг нэхэмжлэл гаргасан. АНХАН ШАТ: Анхан шатны шүүхээс талуудын гаргасан нэхэмжлэл, сөрөг нэхэмжлэлийг бүхэлд нь хэрэгсэхгүй болгож шийдвэрлэжээ. ДАВЖ ЗААЛДАХ ШАТ: Нэхэмжлэгчийн итгэмжлэгдсэн төлөөлөгчөөс анхан шатны шүүхийн шийдвэрийг өөрчлүүлэх гомдол гаргасан. Давж заалдах шатны шүүхээс нэхэмжлэгчийн гомдлыг хангаж, анхан шатны шүүхийн шийдвэрт өөрчлөлт оруулжээ.
ҮНДЭСЛЭЛ: Талуудын хооронд зээлийн гэрээний үүргийн барьцаа болгох зорилгоор орон сууц бэлэглэх гэрээ байгуулсан боловч энэ нь бусдыг халхавчлах зорилгоор хийсэн гэрээ гэж үзсэн. Иргэний хуулийн 282.3-т заасны дагуу зээлийн гэрээг бичгээр байгуулаагүй тул хүү авах эрх үүсэхгүй хэмээн дүгнэсэн.