ХЭРГИЙН ТАНИЛЦУУЛГА: Зээлийн гэрээний үүргээ биелүүлээгүйгээс үүдсэн төлбөрийг гаргуулах, барьцаа хөрөнгөөр хангуулах тухай нэхэмжлэл болон зээлийн гэрээний зарим заалт, барьцааны гэрээг хүчин төгөлдөр бус болохыг тогтоолгох сөрөг нэхэмжлэлтэй холбоотой маргаан. АНХАН ШАТ: Зээлдэгчээс зээлийн үлдэгдэл, хүү, нэмэгдүүлсэн хүүг гаргуулж, төлөөгүй тохиолдолд барьцаалсан орон сууцыг худалдан борлуулж үүргийн гүйцэтгэлийг хангуулах шийдвэр гаргасан. ДАВЖ ЗААЛДАХ ШАТ: Хариуцагчийн итгэмжлэгдсэн төлөөлөгч зээлийн гэрээний зарим заалт, барьцааны гэрээний тухай хуульд нийцээгүй, хүчин төгөлдөр бус хэлцэл болохыг тогтоолгох гомдол гаргасан.
ҮНДЭСЛЭЛ: Зээлийн гэрээний нэмэгдүүлсэн хүү тооцохтой холбоотой заалт нь Иргэний хуулийн 452.2-т харшлаагүй бөгөөд барьцааны гэрээ нь үл хөдлөх эд хөрөнгийг шууд шилжүүлэх бус, хуульд заасан журмаар үүргийн гүйцэтгэлийг хангуулах агуулгатай тул хүчин төгөлдөр бус гэж үзэх үндэслэлгүй.