ХЭРГИЙН ТАНИЛЦУУЛГА: Нэхэмжлэгч компанийн нийлүүлсэн барааны үлдэгдэл төлбөр, алданги, зардал гаргуулах тухай нэхэмжлэлтэй, хариуцагч компанийн илүү төлсөн төлбөр гаргуулах сөрөг нэхэмжлэлийг шүүхэд гаргасан. АНХАН ШАТ: Хариуцагч компаниас гэрээний үлдэгдэл төлбөр, алданги, нотариатын зардал гаргуулах, сөрөг нэхэмжлэлийг хэрэгсэхгүй болгох шийдвэр гаргасан. ДАВЖ ЗААЛДАХ ШАТ: Хариуцагчийн итгэмжлэгдсэн төлөөлөгч анхан шатны шүүхийн шийдвэрийг хуулийг буруу хэрэглэсэн гэж үзэн давж заалдах гомдол гаргасан.
ҮНДЭСЛЭЛ: Талуудын хооронд байгуулагдсан гэрээний дагуу бараа нийлүүлэгдсэн, төлбөр хийгдсэн нь тогтоогдсон. Гэрээнд заасан барааг хүлээн авах, шалгах ажиллагаа нь Иргэний хуулийн 248.2-т зааснаар эд хөрөнгийг хүлээн авсанд тооцох үндэслэл болно. Худалдан авагч нь барааны чанарын талаарх эрхээ хэрэгжүүлээгүй тул төлбөрөөс чөлөөлөгдөх үндэслэлгүй. Анхан шатны шүүхийн шийдвэр хуульд нийцсэн байна.