ХЭРГИЙН ТАНИЛЦУУЛГА: Нэхэмжлэгч нь хариуцагчтай хамтран ажиллах гэрээний үүрэгт 40,000,000 төгрөг гаргуулах нэхэмжлэл гаргажээ. Хариуцагч нь нэхэмжлэгчтэй хамтран ажилласны цалин хөлсийг бүрэн төлсөн, өр төлбөргүй гэж маргажээ. АНХАН ШАТ: Хамтран ажиллах гэрээний үүрэгт 40,000,000 төгрөг гаргуулах тухай нэхэмжлэлийг бүхэлд нь хэрэгсэхгүй болгож шийдвэрлэжээ. ДАВЖ ЗААЛДАХ ШАТ: Нэхэмжлэгчийн өмгөөлөгч анхан шатны шүүхийн шийдвэрийг хүчингүй болгож, хэргийг дахин хэлэлцүүлэхээр буцаах хүсэлт гаргажээ. Хариуцагч хөрөнгөө шилжүүлсэн, гэрчүүдийн мэдүүлгийг хангалтгүй үнэлсэн гэж гомдолд дурджээ.
ҮНДЭСЛЭЛ: Талуудын хооронд хамтран ажиллах гэрээний харилцаа үүссэн нь тогтоогдсон боловч, уг үйл ажиллагаанаас 40,000,000 төгрөгийн ашиг орлого олсон гэдгийг нотлох баримт хангалтгүй байна. Хамтран ажиллах гэрээгээр ашиг алдагдлыг хэрхэн хуваарилах талаар тохиролцоо хийгдээгүй, олсон ашгийн талаарх баримт байхгүй тул нэхэмжлэлийн шаардлагыг хангахад хангалттай нотлох баримтгүй байна. Анхан шатны шүүхийн шийдвэр хууль ёсны бөгөөд үндэслэлтэй байна.