ХЭРГИЙН ТАНИЛЦУУЛГА: Орон сууц худалдах-худалдан авах гэрээний үлдэгдэл төлбөр, алданги гаргуулах тухай нэхэмжлэлийн шаардлага ба орон сууц худалдах-худалдан авах гэрээг хүчин төгөлдөр бус хэлцэлд тооцуулах сөрөг нэхэмжлэлийн шаардлага бүхий хэрэг.
АНХАН ШАТ: Нэхэмжлэлийн шаардлагыг хангаж, хариуцагчаас үлдэгдэл төлбөр болон алданги гаргуулж, сөрөг нэхэмжлэлийг хэрэгсэхгүй болгосон.
ҮНДЭСЛЭЛ: Талууд байгуулсан гэрээг худалдах-худалдан авах гэрээ гэж үзэж, төлбөр, алдангийг Иргэний хуульд заасны дагуу тооцон шаардлагыг хангасан. Хариуцагчийн сөрөг нэхэмжлэл нь үндэслэлгүй гэж үзсэн.