Тогтоол №8836

ХЭРГИЙН ТАНИЛЦУУЛГА: Жолооч Б.Г нь зам тээврийн хөдөлгөөний дүрмийг зөрчсөний улмаас хоёр хүний амь нас хохироосон хэрэгт, зам засварын ажил хийж байсан А.Б, П.Э нар нь аюулгүй ажиллагааны журмыг зөрчсөн хэрэгт тус тус холбогджээ. АНХАН ШАТ: Шүүгдэгч Б.Г-г Эрүүгийн хуулийн тусгай ангийн 27.10 дугаар зүйлийн 4.2-т зааснаар гэм буруутайд тооцож, тээврийн хэрэгсэл жолоодох эрхийг 5 жил хасч, 2 жил хорих ял оногдуулсан. Шүүгдэгч А.Б, П.Э нарт холбогдох хэргийг хэрэгсэхгүй болгож, цагаатгасан. ДАВЖ ЗААЛДАХ ШАТ: Прокурор нь А.Б, П.Э нарыг цагаатгасан нь үндэслэлгүй, зам засварын ажил хийж байсан нь гэм буруутай гэж үзэн эсэргүүцэл гаргасан. Шүүгдэгч Б.Г-ийн өмгөөлөгч нь зам тээврийн осол болсон зам нь үйлдвэрлэлийн зориулалттай зам тул Б.Г-н үйлдэл нь гэмт хэрэг биш, ялыг хөнгөрүүлэх үндэслэлтэй гэж үзэн давж заалджээ. ҮНДЭСЛЭЛ: Давж заалдах шатны шүүхээс анхан шатны шүүхийн шийтгэх тогтоолыг өөрчлөн, прокурорын эсэргүүцлийн зарим хэсгийг хангаж, Б.Г-г гэм буруутайд тооцсон хэсгийг хэвээр үлдээн, А.Б, П.Э нарт холбогдох хэргийг хэрэгсэхгүй болгосон хэсгийг нь үндэслэлгүй гэж үзсэн. Осол болсон зам нь нийтийн эзэмшлийн зам болох нь тогтоогдож, Б.Г нь Замын хөдөлгөөний дүрмийг зөрчсөн нь нотлогдсон. А.Б, П.Э нарын буруутай үйлдлээс шууд шалтгаалж хохирогчид амь насаа алдсан гэж үзэх үндэслэл тогтоогдоогүй.