ХЭРГИЙН ТАНИЛЦУУЛГА: Г.Г, Д.Б нар нь байгууллагын мөнгө завших, бүлэглэн гэмт хэрэг үйлдсэн хэргээр шалгагдсан. АНХАН ШАТ: Г.Г-г 10 сая төгрөгөөр торгож, Д.Б-ын хэргийг өршөөлд хамруулан хэрэгсэхгүй болгосон. ДАВЖ ЗААЛДАХ ШАТ: Хохирогчийн хууль ёсны төлөөлөгч нь анхан шатны шүүх хэргийн бодит байдалтай нийцээгүй дүгнэлт хийсэн, Эрүүгийн хуулийг буруу хэрэглэсэн, Эрүүгийн хэрэг хянан шийдвэрлэх тухай хуулийг ноцтой зөрчсөн хэмээн давж заалдсан.
ҮНДЭСЛЭЛ: Анхан шатны шүүх нь шүүгдэгчдийн мэдүүлгийг үндэслэн цаг хугацааг тодорхойлж, гэм буруугийн асуудлыг шийдвэрлэхдээ Эрүүгийн хэрэг хянан шийдвэрлэх тухай хуулийн заалтуудыг зөрчсөн, ял оногдуулахдаа үндэслэл бүхий дүгнэлт хийгээгүй, Д.Б-ын хэргийг буруу зүйлчлэн хөнгөлөлт үзүүлсэн гэж үзэв. Тиймээс анхан шатны шүүхийн шийтгэх тогтоолыг хүчингүй болгож, хэргийг дахин хэлэлцүүлэхээр буцаалаа.