ХЭРГИЙН ТАНИЛЦУУЛГА: Н.Б нь иргэн Б.М-ийн гарыг хугалан эрүүл мэндэд нь хүндэвтэр хохирол учруулсан гэмт хэрэгт холбогдсон. АНХАН ШАТ: Н.Б-г хүний эрүүл мэндэд хүндэвтэр хохирол учруулсан гэм буруутайд тооцож, Эрүүгийн хуулийн тусгай ангийн 11.4 дүгээр зүйлийн 1 дэх хэсэгт зааснаар 500,000 төгрөгөөр торгох ял оногдуулж, хохиролд 253,800 төгрөг гаргуулж өгөхөөр шийдвэрлэсэн. ДАВЖ ЗААЛДАХ ШАТ: Хохирогч Б.М анхан шатны шүүхийн шийтгэх тогтоолыг эс зөвшөөрч, шүүгдэгчийн ял хөнгөдсөн, учирсан хохирлыг бүрэн барагдуулаагүй гэж гомдол гаргасан. ҮНДЭСЛЭЛ: Анхан шатны шүүх Эрүүгийн хуулийг буруу хэрэглэсэн, шүүхийн шийдвэр тодорхойгүй, ойлгомжгүй байсан тул шийтгэх тогтоолыг хүчингүй болгож, хэргийг анхан шатны шүүхэд буцаахаар шийдвэрлэсэн.