ХЭРГИЙН ТАНИЛЦУУЛГА: Хохирогчийн эд хөрөнгийг авах зорилгоор биед нь аюултайгаар хүч хэрэглэн гэмтэл учруулж, гар утас, банкны картыг нь авч мөнгө гаргуулсан хэргээр хоёр иргэнийг буруутгасан. АНХАН ШАТ: Хоёр иргэнийг дээрэмдсэн гэмт хэрэг үйлдсэн гэм буруутайд тооцож, тус бүрт нь 3 жил 6 сар хорих ял оногдуулсан. ДАВЖ ЗААЛДАХ ШАТ: Ялтан болон түүний өмгөөлөгч нар үйлдсэн хэргээ эс зөвшөөрч, хэргийн зүйлчлэлийг өөрчлөх, нэмэлт мөрдөн байцаалтад буцаах, эрүү шүүлт тулгасан гэх зэрэг үндэслэлээр гомдол гаргасан. ҮНДЭСЛЭЛ: Хохирогчийн мэдүүлэг, гэрчүүдийн мэдүүлэг, шинжээчийн дүгнэлт, эд мөрийн баримтуудаар гэм буруутай нь тогтоогдсон тул анхан шатны шүүхийн шийтгэх тогтоолыг хэвээр үлдээж, давж заалдах гомдлыг хэрэгсэхгүй болгосон.