ХЭРГИЙН ТАНИЛЦУУЛГА: Нөхөр нь эхнэрээ гэр бүлийн хамаарал бүхий харилцаатай байж, толгойд нь цохиж хүнд гэмтэл учруулсан хэрэг. АНХАН ШАТ: Нөхрийг Эрүүгийн хуулийн 11.1 дүгээр зүйлийн 2 дахь хэсгийн 2.1-д зааснаар гэр бүлийн хүчирхийлэл үйлдэж хүний эрүүл мэндэд хүнд хохирол санаатай учруулсан гэм буруутайд тооцож, 3 жил 7 сар хорих ял оногдуулсан. ДАВЖ ЗААЛДАХ ШАТ: Хохирогч ялыг хөнгөрүүлэхийг хүссэн. Шүүх нөхрийн үйлдлийг гэр бүлийн хүчирхийлэл хэмээн хүндрүүлэн зүйлчлэх шаардлагагүй, хардлагаас болж хэрэлдэж байсан гэж дүгнэн, Эрүүгийн хуулийн 11.1 дүгээр зүйлийн 1 дэх хэсэгт зааснаар хөнгөрүүлэн зүйлчилж, ялыг 1 жил болгон бууруулсан.
ҮНДЭСЛЭЛ: Гэр бүлийн хүчирхийлэл гэж хүндрүүлэн зүйлчлэх үндэслэлгүй, нэг удаагийн үйлдлийг тодорхой шалтгаантай хэрэлдээнээс үүдэлтэй хэмээн үзсэн. Хохирогчийн хүүхэд төрөх гэж байгаа, гэр бүлийн санхүүгийн байдлыг харгалзан ялыг оногдуулсан.