ХЭРГИЙН ТАНИЛЦУУЛГА: Гэр бүлийн хүчирхийлэлтэй холбоотойгоор эхнэрээ цохиж, бие махбодын хохирол учруулсан хэрэг. АНХАН ШАТ: Гэр бүлийн хүчирхийлэл үйлдэж, хүний эрүүл мэндэд хөнгөн хохирол санаатай учруулсан гэмт хэрэг үйлдсэн гэм буруутайд тооцож, мөнгөөр торгох ял оногдуулсан. ДАВЖ ЗААЛДАХ ШАТ: Шүүгдэгч нь үйлдсэн хэргийн шалтгаан нөхцөл, нотлох баримтыг харьцуулан дүгнэлт хийгээгүйд гомдолтой гэж үзэж, хэргийн зүйлчлэлийг өөрчлөхийг хүссэн.
ҮНДЭСЛЭЛ: Гэр бүлийн хүчирхийллийн давтан үйлдэгдсэн шинж чанар байхгүй, тохиолдлын шинжтэй үйлдлээс үүдэлтэй хөнгөн хохирол учирсан тул Эрүүгийн хуулийн холбогдох зүйлийг хэрэглэн хэргийн зүйлчлэлийг өөрчилж, оногдуулсан ялыг багасгаж шийдвэрлэв.