ХЭРГИЙН ТАНИЛЦУУЛГА: Ховор ургамал түүж, тээвэрлэсэн тохиолдолд Эрүүгийн хуулийн тусгай ангийн 24.8 дугаар зүйлийн 1 дэх хэсэгт зааснаар хариуцлага хүлээлгэх нь. АНХАН ШАТ: Ховор ургамал түүж, тээвэрлэсэн нь байгаль экологид хохирол учруулсан болох нь тогтоогдож, Эрүүгийн хуулийн тусгай ангийн 24.8 дугаар зүйлийн 1 дэх хэсэгт заасан гэмт хэргийг үйлдсэн гэм буруутайд тооцож, учруулсан 797,500 төгрөгийн хохирлыг нөхөн төлсөн болохыг дурдаад, Эрүүгийн хуулийн ерөнхий ангийн 7.1 дүгээр зүйлийн 1 дэх хэсэгт заасныг журамлан, хорих ял оногдуулахгүйгээр 1 жилийн хугацаагаар тэнсэж, хяналт тавих нөхцөлтэйгээр шийдвэрлэсэн.
ҮНДЭСЛЭЛ: Байгалийн ховор ургамал түүж, тээвэрлэсэн нь Эрүүгийн хуулийн тусгай ангийн 24.8 дугаар зүйлийн 1 дэх хэсэгт заасан гэмт хэрэг болох нь нотлох баримтаар тогтоогдсон. Учруулсан хохирлыг нөхөн төлсөн, хөнгөрүүлэх нөхцөл байдлыг харгалзан ял шийтгэхдээ хорих ял оногдуулахгүйгээр тэнссэн.