ХЭРГИЙН ТАНИЛЦУУЛГА: "Х" ХХК нь Байгаль орчин, аялал жуулчлалын сайдын газар ашиглах эрхийг цуцалсан тушаалыг илт хууль бус гэж тогтоолгох шаардлага гаргасан. АНХАН ШАТ: Нийслэл дэх Захиргааны хэргийн анхан шатны шүүхээс нэхэмжлэлийн шаардлагыг хангаж, тушаалын холбогдох хэсгийг илт хууль бус болохыг тогтоосон. ДАВЖ ЗААЛДАХ ШАТ: Хариуцагчийн итгэмжлэгдсэн төлөөлөгч нь нэхэмжлэгч газрын төлбөрөө хугацаанд нь бүрэн төлөөгүй, газраа зориулалтын дагуу ашиглаагүй гэх үндэслэлээр анхан шатны шүүхийн шийдвэрийг эс зөвшөөрч давж заалдах гомдол гаргасан.
ҮНДЭСЛЭЛ: Давж заалдах шатны шүүхээс нэхэмжлэгч нь газрын төлбөрөө хугацаанд нь төлөөгүй, гэрээнд заасан зориулалтын дагуу газраа 2 жил дараалан ашиглаагүй гэх үндэслэлүүд болон Газрын тухай хуулийн холбогдох зүйл заалтуудыг харгалзан анхан шатны шүүхийн шийдвэрийг хүчингүй болгож, нэхэмжлэлийн шаардлагыг бүхэлд нь хэрэгсэхгүй болгосон.