ХЭРГИЙН ТАНИЛЦУУЛГА: "Г" ХХК нь татварын улсын байцаагч нарыг холбогдуулан шийтгэлийн хуудсыг хүчингүй болгуулахаар маргажээ. АНХАН ШАТ: Татварын улсын байцаагч нарын шийтгэлийн хуудсыг захиргааны байгууллагаас дахин шинэ акт гаргах хүртэл 58 хоногийн хугацаагаар түдгэлзүүлсэн. ДАВЖ ЗААЛДАХ ШАТ: Хариуцагч нар анхан шатны шүүхийн шийдвэрийг эсэргүүцэж, татварын улсын байцаагч нар нь холбогдогчийн эрхийг бүрэн хангалгүй, актаа журмын дагуу танилцуулж гардуулаагүй гэх үндэслэлээр гомдол гаргав. ҮНДЭСЛЭЛ: Шүүх хэргийн бодит байдлыг тодруулах, нотлох баримт цуглуулах, үнэлэх үүрэгтэй. Анхан шатны шүүх хэргийг шийдвэрлэхэд ач холбогдолтой баримтуудыг бүрэн цуглуулаагүй, дүгнэлт хийгээгүй тул шийдвэрийг хүчингүй болгож, хэргийг дахин хэлэлцүүлэхээр буцаав.