ХЭРГИЙН ТАНИЛЦУУЛГА: Албан тушаалтны албан үүргээ хангалтгүй биелүүлсэн, удирдлагаас өгсөн үүрэг даалгаврыг биелүүлээгүй, албан ажлаа хийгээгүй зэрэг үндэслэлээр ажлаас халах сахилгын шийтгэл ногдуулсан захиргааны акттай холбоотой маргаан. АНХАН ШАТ: Нэхэмжлэлийг бүхэлд нь хангаж, хариуцагчийн захирамжийг хүчингүй болгож, нэхэмжлэгчийг албан тушаалд эгүүлэн тогтоож, ажилгүй байсан хугацааны цалин хөлсийг гаргуулах, нийгмийн даатгалын бичилт хийлгэхийг даалгасан.
ҮНДЭСЛЭЛ: Хариуцагчаас тогтоосон зөрчлүүд, тухайлсан хуулийн заалтуудын хэрэглээ, биелэлт болон хугацааг үнэлэхэд:
- Аудитын байгууллагаас ирүүлсэн албан бичигт санал боловсруулах үүргийг хэлтсийн нягтлан бодогч нь гүйцэтгээгүй, шилжүүлсэн ажил нь чиг үүрэгт хамааралгүй гэж буцаасан нь ойлгомжгүй байсан тул үүрэг хэн биелүүлээгүй нь тогтоогдоогүй.
- Төрийн албаны тухай хуулийн заасан хугацаа хэтэрсэн байсан тул албан үүргээ хангалтгүй биелүүлсний төлөө ажлаас халах шийтгэл ногдуулах үндэслэлгүй.
- Ажил тасалсан гэх үндэслэл нь байгууллагын цахим бүртгэл болон цалин хассан баримтаар нотлогдоогүй, шүүхээс албан хаагчийн тайлбар дээр үндэслэсэн.
- Хавсарган гүйцэтгэж байсан ажлаа биелүүлээгүй гэх үндэслэл нь тухайн үед холбогдох албан тушаалтны хөрөнгө орлогын мэдүүлгийг бүртгэх, хадгалах чиг үүрэг нь хавсран гүйцэтгэж байсан ажлаас нь хамааралтай нь тогтоогдоогүй.
- Нийслэлийн Засаг даргад нэр дэвшигчийг батламжлуулахад хөрөнгө орлогын мэдүүлгийг явуулаагүй нь бусад Төлөөлөгчдийн хөрөнгө орлогын мэдүүлгийг бүртгэх, хадгалах үүргээ биелүүлээгүй гэх баримтаар нотлогдоогүй.
- Сахилгын шийтгэл ногдуулах хугацаа өнгөрсөн байсан.
- Төрийн албан хаагчийг албан тушаалаас нь халах эрх нь томилсон эрх бүхий албан тушаалтанд хамаарах тул хурлын даргын захирамж нь хууль бус болсон.
- Хуульд зааснаас бусад үндэслэлээр төрийн албанаас чөлөөлөгдөхгүй, халагдахгүй байх баталгаатай тул захирамжийг хүчингүй болгож, эгүүлэн тогтоох, олговор гаргуулах нь үндэслэлтэй.