ХЭРГИЙН ТАНИЛЦУУЛГА: Иргэний төлөөлөгч нь хуралдааны товыг баталсан тогтоол, хэлэлцэх асуудалтай холбоотой тооцоо, судалгаа, шийдвэрийн төсөл хуулийн хугацаанд тардаагүй, хуульд заасан шаардлагыг хангаагүй байхад даргыг нь ажлаас чөлөөлж, шинэ даргыг томилсон нь хууль бус гэж үзэн, уг тогтоолоо хүчингүй болгож, даргын албан тушаалд эгүүлэн тогтоолгохыг шаарджээ. Хариуцагч тал нь төлөөлөгчийн саналыг хүлээн авч, төлөөлөгч нарт тараах үүргээ Хурлын дарга биелүүлээгүйн улмаас бусад төлөөлөгч нар саналыг нь тарааж, хуралдаанаар олонхын саналаар шийдвэр гаргасан нь хуульд нийцсэн гэж маргажээ.
АНХАН ШАТ: Хариуцагчийн гаргасан тогтоол нь Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн холбогдох зүйл заалтыг зөрчсөн, тухайлбал, иргэний төлөөлөгчөөс оруулсан саналд холбогдох тооцоо, судалгаа, шийдвэрийн төсөл хавсаргаагүй, хуралдаан болохоос 1 хоногийн өмнө төлөөлөгч нарт тараах хуулийн шаардлагыг хангаагүй байхад даргыг нь ажлаас чөлөөлсөн нь хууль бус үйлдэл тул тогтоолыг хүчингүй болгож, нэхэмжлэгчийг даргын албан тушаалд эгүүлэн тогтоосугай.
Өөр асуулт байна уу?
Монгол Улсын хууль, тогтоомж, шүүхийн шийдвэрийн санд суурилсан хиймэл оюунаас хүссэн асуултаа асуу
Асуух