ХЭРГИЙН ТАНИЛЦУУЛГА: Импортын хүнсний ногоо, жимс жимсгэний тээврийн үнийг үндэслэлгүй өсгөж, хэрэглэгчдийг хохироосон гэх үндэслэлээр жолооч Р.Б-д Зөрчлийн тухай хуулийн 10.7 дугаар зүйлийн 4.7-д зааснаар 25,000,000 төгрөгийг хурааж, 2000 нэгжээр торгох шийтгэл оногдуулсан шийтгэлийг хүчингүй болгуулахаар нэхэмжлэл гаргасан.
АНХАН ШАТ: Нэхэмжлэлийг бүхэлд нь хангаж, Шударга өрсөлдөөн, хэрэглэгчийн төлөө газрын улсын ахлах байцаагч, улсын байцаагч нарын 0005665 дугаартай шийтгэлийн хуудсыг хүчингүй болгосон.
ҮНДЭСЛЭЛ: Тээврийн хөлс болгон шилжүүлсэн мөнгө бүрийг хууль бус орлого гэж үзэх, мөн Р.Б-ыг зөрчил үйлдсэн этгээдээр тогтоогоогүй байхад хууль ёсны төлөөлөгчөөр тогтоож шийтгэл оногдуулсан нь хуульд нийцээгүй, хариуцагч нь нотлох үүргээ хангалттай биелүүлээгүй байна.