ХЭРГИЙН ТАНИЛЦУУЛГА: Кино театр үйл ажиллагаа эрхлэгч компани нь гадаад компанитай байгуулсан гэрээний дагуу борлуулалтын орлогын 50/50 хуваалцсан боловч кино оруулж ирсэн гадаад компаниас НӨАТ суутгал хийж төсөвт төлөөгүй, улмаар татвар төлөөгүй гэх үндэслэлээр ногдуулсан татвар, торгууль, алдангийг нь хүчингүй болгуулах тухай гомдол гаргав. АНХАН ШАТ: Компаниас гаргасан НӨАТ-ын ногдуулсан төлбөр, торгууль, алдангийг хүчингүй болгуулах шаардлагыг бүхэлд нь хэрэгсэхгүй болгосугай.
ҮНДЭСЛЭЛ: Гадаад компаниас Монгол Улсад кино үзүүлэх үйл ажиллагаа явуулж орлого олсон бөгөөд гэрээний дагуу НӨАТ-ыг суутган авах үүргээ биелүүлээгүй, улмаар татварыг хуульд заасан хугацаанд төлөөгүй нь нотлогдсон. Татварын байцаагчаас хийсэн шалгалт, ногдуулсан шийтгэл нь хууль зүйн үндэслэлтэй.