ХЭРГИЙН ТАНИЛЦУУЛГА: Банкны тухай хуулийн 31.3.1-д заасныг зөрчсөн үндэслэлээр компанид ногдуулсан шийтгэлийн хуудсыг хүчингүй болгуулах тухай гомдол гаргасан. Компани нь гүйцэтгэх захирлын тушаал нь ТУЗ-тэй байгуулсан гэрээ болон дүрмийн дагуу эрх хэмжээний хүрээнд гарсан, улсын байцаагчийн эрх хэмжээний асуудал биш хэмээн үзжээ. Хариуцагч нь гүйцэтгэх захирал нь ТУЗ-ийн эрх хэмжээнд халдсан, энэ нь хадгаламж эзэмшигчдийн эрх ашгийг хөндсөн хэмээн тайлбарласан.
АНХАН ШАТ: Банкны тухай хуулийн 31.3.1, Төв банкны тухай хуулийн 25.1-д заасныг зөрчсөн нь тогтоогдож, улсын ахлах байцаагчийн ногдуулсан шийтгэлийн хуудсыг шинэ акт гаргах хүртэл хоёр сар түдгэлзүүлсэн.
ҮНДЭСЛЭЛ: Компанийн дүрмийн зохицуулалт нь Банкны тухай хуулийн 31.3.1-д заасныг зөрчин банкны зохион байгуулалтын бүтэц, орон тоог гүйцэтгэх захирал тушаалаар батлах, ТУЗ-ийн эрх хэмжээнд халдсан гэх үндэслэлтэй. Гэвч шийтгэлийн хуудсыг Зөрчлийн тухай хуулийн байхгүй заалтад үндэслэсэн, мөн тушаал нь бүтэц зохион байгуулалтыг бий болгох эрхийг ТУЗ-өөс гүйцэтгэх захиралд шилжүүлсэн эсэх нь тодорхойгүй тул хэргийн нөхцөл байдлыг цаашид тодруулах шаардлагатай.