ХЭРГИЙН ТАНИЛЦУУЛГА: "Т ч" ХХК нь тендерт шалгарсан хэдий ч гэрээ байгуулахаас татгалзсан захиалагчийн шийдвэрийг хууль бус болохыг тогтоолгож, гэрээ байгуулахыг даалгах шаардлагатай. АНХАН ШАТ: Нийслэлийн Хөрөнгө оруулалтын газрын гэрээ байгуулахаас татгалзсан шийдвэрийг хууль бус болохыг тогтоож, хүчингүй болгосон. Мөн 2017 оны 6 дугаар сарын 8-нд зарласан тендерийг хүчингүй болгож, өмнөх шалгаруулалтад шалгарсан "Т ч" ХХК-тай гэрээ байгуулахыг тус байгууллагад даалгасан.
ҮНДЭСЛЭЛ: Захиалагчийн татгалзсан үндэслэлүүд нь холбогдох баримт, дүгнэлтээр үгүйсгэгдсэн. Гэрээ байгуулах эрх олгох үүргээ биелүүлээгүй нь хууль бус. Тендер хүчинтэй байх хугацаа дууссанаар дахин тендер зарласан нь хууль бус үйлдэл болсон.