ХЭРГИЙН ТАНИЛЦУУЛГА: Иргэн захиргааны байгууллагын албан тушаалтны тушаалыг хүчингүй болгуулж, ажилд эргүүлэн томилуулах, цалин, нийгмийн даатгалын бичилт хийлгүүлэх шаардлага бүхий нэхэмжлэл гаргасан. АНХАН ШАТ: Нэхэмжлэгч нь шүүхэд гаргасан нэхэмжлэлээсээ бүхэлд нь татгалзсан тул Захиргааны хэрэг шүүхэд хянан шийдвэрлэх тухай хуулийн 66.1-д заасныг баримтлан хэргийг хэрэгсэхгүй болгожээ.
ҮНДЭСЛЭЛ: Иргэн өөрийн нэхэмжлэлээсээ татгалзах эрхтэй бөгөөд энэ нь Захиргааны хэрэг шүүхэд хянан шийдвэрлэх тухай хуулиар зохицуулагддаг. Нэхэмжлэгч татгалзсанаар уг асуудлаар дахин нэхэмжлэл гаргах эрхээ алдана.