ХЭРГИЙН ТАНИЛЦУУЛГА: Нэхэмжлэгч нь багийн засаг даргын сонгуульд нэр дэвшиж, сонгуульд ялсан боловч хариуцагч ИНХ-ын дарга сонгуулийн дүнгээс үүдэлтэйгээр нэхэмжлэгчийг албан тушаалд томилуулахаар эрх бүхий албан тушаалтанд уламжлаагүй, үйлдэл хийгээгүй нь хууль бус болохыг тогтоолгох, албан тушаалд уламжлахыг даалгах шаардлага гаргасан.
АНХАН ШАТ: Хариуцагч нь нэхэмжлэлийн шаардлагыг бүхэлд нь хүлээн зөвшөөрч, сонгуулийн дүнгээс үүдэлтэй асуудлыг шийдвэрлэхээр болсон тул Захиргааны хэрэг шүүхэд хянан шийдвэрлэх тухай хуулийн 67.1-д заасныг баримтлан хариуцагчийн зөвшөөрлийг баталж, хэргийг хэрэгсэхгүй болгосон.
ҮНДЭСЛЭЛ: Хариуцагч нэхэмжлэлийн шаардлагыг хүлээн зөвшөөрснийг шүүх баталж, хэргийг хэрэгсэхгүй болгосон нь бусад этгээдийн эрх, хууль ёсны ашиг сонирхлыг хөндөөгүй, хуульд харшлаагүй.