Нийслэл дэх Захиргааны хэргийн анхан шатны шүүхийн Шийдвэр

Үйл явдал

Захиргааны маргаан — төрийн албан тушаалтныг ажлаас чөлөөлөх захирамж хууль бус байх. Нэхэмжлэгч нь эрчим хүчний салбарын нэгэн байгууллагын даргаар томилогдсон хугацаа дуусаагүй байхад Ерөнхий сайдын захирамжаар ажлаас чөлөөлөгдсөн бөгд, энэ нь эрх ашгийг зөрчсөн гэж үзэн захирамжаа хүчингүй болгох, урьд эрхэлж байсан ажилд эгүүлэн тогтоолгох шаардлага гаргажээ.

Талуудын байр суурь

• Нэхэмжлэгч: Захирамж нь хууль зүйн үндэслэлгүй, эрчим хүчний тухай хуулийн 8.3-ыг зөрчсөн, мөн захиргааны ерөнхий хуулийн 40-ний дагуу үндэслэлгүй акт гэж үзсэн.
• Хариуцагч (захиргааны байгууллага): Ерөнхий сайд бүрэн эрхийн хүрээнд, мөн сонгуулийн жилийн нэгдүгээр сарын нэгний өдрөөс өмнө ажил, албан тушаалаасаа чөлөөлөгдөх тухай хүсэлт гаргах ёстой гэсэн Сонгуулийн тухай хуулийн 125.5-ийг зөрчсөн тул ажлаас чөлөөлөх нь үндэслэл болсон гэж тайлбарласан.

Шийдвэр ба үндэслэл

Шүүх нэхэмжлэлийн шаардлагын зарим хэсгийг хангаж, ажлаас чөлөөлөх тухай захирамжийг хууль бус байсан гэж тогтоосон. Гэвч нэхэмжлэгч ажилд эгүүлэн тогтоолгох, цалин хөлс гаргуулах шаардлагыг хэрэгсэхгүй болгосон. Учир нь тухайн нэхэмжлэгчийг дараагийн ажилд томилох тухай шинэ захирамж хүчин төгөлдөр байсан бөгөөд хэрэв тэрхүү шинэ захирамж хүчингүй болсон тохиолдолд нэхэмжлэлийн шаардлагыг шинээр шийдвэрлэх боломжтой гэж дүгнэв.

Хууль зүйн гол дүгнэлт

• Захиргааны актыг хүчингүй болгох нэхэмжлэл гаргасны дараа тухайн актыг цуцалсан эсхүл өөр байдлаар хэрэгжүүлсэн байсан ч нэхэмжлэгчийн ашиг сонирхол байгаа бол акт хууль бус байсан гэж тогтоож болно (Захиргааны хэрэг шүүхэд хянан шийдвэрлэх тухай хууль 106.3.3).
• Ажилтныг ажил, албан тушаалд нь эгүүлэн тогтоох нь шүүхийн шийдвэр хүчин төгөлдөр болсон тохиолдолд хамааралтай (Хөдөлмөрийн тухай хууль 36.1.2).
• Ажилтныг ажил, албан тушаалд нь эгүүлэн тогтоосон бол ажилгүй байсан бүх хугацаанд авч байсан дундаж цалин хөлстэй тэнцэх олговор олгоно (Хөдөлмөрийн тухай хууль 69.1).