ХЭРГИЙН ТАНИЛЦУУЛГА: Бие даан нэр дэвшигч нь хуульд заасан дэмжигч-сонгогчдын гарын үсгийг бүрдүүлэн ирүүлсэн боловч Сонгуулийн хороо гарын үсэг хуурамч байна үндэслэлээр бүртгэхээс татгалзжээ. Нэхэмжлэгч уг тогтоолыг хүчингүй болгож, нэр дэвшигчээр бүртгэхийг шаардсан.
АНХАН ШАТ: Сонгуулийн хорооны нэр дэвшигч бүртгэхээс татгалзсан тогтоолыг хүчингүй болгож, нэхэмжлэгчийг нэр дэвшигчээр бүртгэхийг тус хороонд даалгалаа.
ҮНДЭСЛЭЛ: Хуульд заасан шаардлагыг хангасан, 51-ээс дээш сонгогчийн дэмжлэг авсан нэр дэвшигчийг цөөн тооны хуурамч гарын үсэг байна гэх үндэслэлээр бүртгэхээс татгалзсан нь иргэний сонгогдох эрхийг хязгаарласан, хуулийн зөрчил болно.