ХЭРГИЙН ТАНИЛЦУУЛГА: Компани нь орон сууц борлуулахдаа төлбөрийн баримт олгоогүй, э-баримт системд бүртгэлээ хожимдуулах зөрчлийг гаргасан гэх үндэслэлээр татварын улсын байцаагч тухайн компанид шийтгэл оногдуулсан. Компани нь уг шийтгэлийг хүчингүй болгуулахаар шүүхэд нэхэмжилсэн. АНХАН ШАТ: Компанийн нэхэмжлэлийг хангахгүй орхиж, татварын улсын байцаагчийн шийтгэлийг хэвээр үлдээв.
ҮНДЭСЛЭЛ: Худалдан авагчид холбогдох хууль тогтоомжийн дагуу төлбөрийн баримт олгоогүй, э-баримт системд бүртгэлийг цаг тухайд нь хийгээгүй нь тогтоогдсон. Татварын тайланд орлогыг бүртгэсэн боловч э-баримт системд бүртгэл хийгээгүй нь нэмэгдсэн өртгийн албан татварын тухай хууль, Зөрчлийн тухай хуулийг зөрчсөн. Татварын улсын байцаагч нь компанийн гаргасан албан татварын тайлангуудад үндэслэн торгуулийг тооцсон.