ХЭРГИЙН ТАНИЛЦУУЛГА: Ажилгүй байсан хугацааны дундаж цалинтай тэнцэх олговор болон нийгмийн даатгалын бичилтийг хийлгүүлэх тухай нэхэмжлэлийг хариуцагч эс зөвшөөрч маргасан. АНХАН ШАТ: Хариуцагчаас нэхэмжлэгч рүү тодорхой хэмжээний мөнгө гаргуулж, нийгмийн даатгалын бичилтийг хийхийг даалгасан. ДАВЖ ЗААЛДАХ ШАТ: Хариуцагчийн итгэмжлэгдсэн төлөөлөгч анхан шатны шүүхэд өмгөөлөгч авах хүсэлтийг хангаагүй нь эрхийг ноцтой зөрчсөн хэмээн гомдол гаргасан. Анхан шатны шүүхийн шийдвэрийг хүчингүй болгож, хэргийг дахин хянан шийдвэрлүүлэхээр буцаасан. ХЯНАЛТЫН ШАТ: Хяналтын шатны шийдвэр хараахан гараагүй байна. ҮНДЭСЛЭЛ: Анхан шатны шүүх хэргийн оролцогчийн эрхийг ноцтой зөрчсөн тул шийдвэр хууль ёсны бөгөөд үндэслэл бүхүй болж чадаагүй.