ХЭРГИЙН ТАНИЛЦУУЛГА: Гэрээний үлдэгдэл төлбөр гаргуулах, барааны доголдлын улмаас учирсан хохирол гаргуулах тухай нэхэмжлэл, сөрөг нэхэмжлэл. АНХАН ШАТ: Худалдах худалдан авах гэрээний үлдэгдэл 46 780 163.8 төгрөгийг гаргуулж, сөрөг нэхэмжлэлийг хэрэгсэхгүй болгосон. Иргэний хуулийн 243.1, 254.1. ДАВЖ ЗААЛДАХ ШАТ: Хариуцагчийн зүгээс төлбөрийн үлдэгдэл, барааны чанарын асуудлаар гомдол гаргасан. Анхан шатны шийдвэрийг хэвээр үлдээж, гомдлыг хангахгүй орхисон. ХЯНАЛТЫН ШАТ: Хяналтын шатны шүүх байхгүй. ҮНДЭСЛЭЛ: Худалдах худалдан авах гэрээг 196.1.1-д зааснаар байгуулагдсанд тооцож, эд хөрөнгийг хүлээн авсан гэж үзсэн. Барааг шилжүүлснээс хойш гэмтсэний эрсдэл худалдан авагчид шилжих, доголдлын талаар нотлох баримт гаргаж чадаагүй үндэслэлтэй.