ХЭРГИЙН ТАНИЛЦУУЛГА: Нэхэмжлэгч нь хамтран амьдарч байх хугацаандаа авсан тавилгын зээлийн үлдэгдэл болон хүүг гаргуулах, хариуцагч нь нэхэмжлэгчээс өөрт өгсөн мөнгө болон төлсөн зээлийг хасч үлдэгдлийг гаргуулах сөрөг нэхэмжлэл гаргасан. АНХАН ШАТ: Хариуцагчаас нэхэмжлэгчид мөнгө гаргуулж, нэхэмжлэгчээс хариуцагчид мөнгө гаргуулж, хэргийн зарим хэсгийг хэрэгсэхгүй болгож шийдвэрлэсэн. ДАВЖ ЗААЛДАХ ШАТ: Хариуцагч нь анхан шатны шүүхийн шийдвэрийн тодорхой хэсэгт гомдолтой байсан. Гомдлоо хангахгүй орхиж, анхан шатны шүүхийн шийдвэрт өөрчлөлт оруулсан.
ҮНДЭСЛЭЛ: Талуудын хооронд хуулиар болон гэрээгээр үүрэг үүсээгүй тул хариуцагч нь өөрийн эзэмшилд байгаа тавилгын үнийн зөрүүг нэхэмжлэгчид буцаан төлөх ёстой. Хариуцагчийн сөрөг нэхэмжлэлийн шаардлага нь хууль зүйн үндэслэлгүй.