ХЭРГИЙН ТАНИЛЦУУЛГА: Нэг тал түрээсийн гэрээний дагуу хийсэн засвар үйлчилгээний зардал, барьцаагаа нэхэмжилж, нөгөө тал түрээсийн төлбөр, алданги, ашиглалтын зардлыг нэхэмжилсэн. АНХАН ШАТ: Нэхэмжлэгчийн нэхэмжлэлийг бүхэлд нь хэрэгсэхгүй болгож, хариуцагчийн сөрөг нэхэмжлэлийн зарим хэсгийг хангасан. ДАВЖ ЗААЛДАХ ШАТ: Анхан шатны шүүхийн шийдвэрийг хэрэг хянан шийдвэрлэх ажиллагааны зөрчлийг үндэслэн хүчингүй болгож, хэргийг дахин шийдвэрлүүлэхээр анхан шатны шүүхэд буцаасан.
ҮНДЭСЛЭЛ: Шинжээчийн дүгнэлт болон зарим баримтыг үнэлэхдээ хэргийн оролцогчийн хүсэлтийг бүрэн хангаагүй, улмаар нэмэлт шинжээч томилуулах хүсэлтийг үндэслэлгүй хэрэгсэхгүй болгосон нь хэрэг хянан шийдвэрлэх ажиллагааны журам зөрчсөн гэж үзсэн.