ХЭРГИЙН ТАНИЛЦУУЛГА: Нэхэмжлэгч азаргаа худалдаж авсан үнийг шаардсан, хариуцагч адуугаар арилжсан гэж маргасан. АНХАН ШАТ: Гэрээний үүрэгт 3 000 000 төгрөг гаргуулах нэхэмжлэлийг Иргэний хуулийн 243 дугаар зүйлийн 243.1-д заасныг үндэслэн хэрэгсэхгүй болгосон. ДАВЖ ЗААЛДАХ ШАТ: Анхан шатны шүүхийн шийдвэрийг үндэслэлгүй гэж үзэн, зохигчдын харилцааг худалдах-худалдан авах бус арилжааны гэрээ гэж үзэн, хариуцагчаас нэхэмжлэгчид унага, даагатай гүүг гаргуулж өгөхөөр өөрчилсөн.
ҮНДЭСЛЭЛ: Зохигчдын хооронд байгуулагдсан гэрээ нь худалдах-худалдан авах гэрээ биш, харин арилжааны гэрээ байсан бөгөөд нэхэмжлэгч азаргаа шилжүүлсэн боловч хариуцагч амласан гүүгээ шилжүүлж өгөөгүй нь тогтоогдсон.