ХЭРГИЙН ТАНИЛЦУУЛГА: Ажил үүргээ гүйцэтгэж байхдаа ухаан алдан унаж, хөдөлмөрийн чадвараа алдсан иргэнийг үйлдвэрлэлийн осолд орсон гэж тогтоолгох тухай нэхэмжлэлийн шаардлага. АНХАН ШАТ: Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуулийн 2 дугаар зүйлийг үндэслэн нэхэмжлэлийг бүхэлд нь хэрэгсэхгүй болгосон. ДАВЖ ЗААЛДАХ ШАТ: Анхан шатны шүүх Иргэний хэрэг шүүхэд хянан шийдвэрлэх тухай хуулийн нотлох баримт үнэлэх, бодитой харьцуулах, хэргийн болон нотлох баримтын үнэн зөв байдлыг үнэлэх зэрэг заалтуудыг зөрчсөн, нэхэмжлэгчийн ажлын байран дээрээ ухаан алдаж унаснаас хөдөлмөрийн чадвараа алдсан нь үйлдвэрлэлийн осол мөн болохыг тогтооход саад болсон үйлдвэрлэлийн осол, мэргэжлээс шалтгаалсан өвчин, хурц хордлогыг судлан бүртгэх дүрмийн холбогдох заалтуудыг анхаараагүй гэж үзэж, анхан шатны шүүхийн шийдвэрийг хүчингүй болгож, хэргийг дахин шийдвэрлүүлэхээр буцаасан.
ҮНДЭСЛЭЛ: Нэхэмжлэгчийн үйлдвэрлэлийн осол мөн болохыг тогтоолгох хүсэлтийг хянан шийдвэрлэхэд хэрэг хянан шийдвэрлэх ажиллагааны журмыг зөрчсөн, нотлох баримтыг дутуу бүрдүүлсэн, хэргийн оролцогчийн хүрээ, эрх зүйн байдал, нотлох баримт гаргах, бүрдүүлэх ажиллагааны талаар анхаараагүйгээс хэргийг хянан шийдвэрлэхэд ач холбогдолтой, хамааралтай нөхцөл байдлын талаарх нотлох баримт хангалттай авагдаагүй тул дахин шийдвэрлүүлэхээр буцаасан. Эрх зүйн ач холбогдол бүхий үйл явдлыг тогтооход хөөн хэлэлцэх хугацаа хамаардаггүй.
Өөр асуулт байна уу?
Монгол Улсын хууль, тогтоомж, шүүхийн шийдвэрийн санд суурилсан хиймэл оюунаас хүссэн асуултаа асуу
Асуух