ХЭРГИЙН ТАНИЛЦУУЛГА: Нэг хүнд зээлүүлсэн мөнгөө буцааж авахаар гаргасан нэхэмжлэл, хариуцагчаас сөрөг нэхэмжлэл гаргасан. АНХАН ШАТ: Хариуцагч Б.Б-аас 23 913 000 төгрөг гаргуулж, нэхэмжлэгч Н.С-д олгох, хариуцагч Б.Б-ын сөрөг нэхэмжлэлийг хэрэгсэхгүй болгосон. Хариуцагч Д.Б-, Д.О- нарт холбогдох нэхэмжлэлийг хэрэгсэхгүй болгосон. ДАВЖ ЗААЛДАХ ШАТ: Анхан шатны шүүхийн шийдвэрийг хариуцагчийн өмгөөлөгч эс зөвшөөрч, Б.Б-ын сөрөг нэхэмжлэлийн зарим хэсгийг шийдвэрлээгүй, Д.Б-гийн сөрөг нэхэмжлэлийг хэлэлцэх журмыг зөрчсөн гэж гомдол гаргасан. Давж заалдах шатны шүүх анхан шатны шүүхийн шийдвэрийг хүчингүй болгож, хэргийг дахин хэлэлцүүлэхээр буцаасан.
ҮНДЭСЛЭЛ: Анхан шатны шүүхээс хариуцагч Б.Б-гийн гаргасан сөрөг нэхэмжлэлийн зарим хэсгийг орхигдуулсан, хариуцагч Д.Б-гийн сөрөг нэхэмжлэлийг хүлээн авахаас татгалзсан нь хэрэг хянан шийдвэрлэх ажиллагааны журмыг зөрчсөн, талуудын эрхийг хязгаарласан гэж үзсэн.