ХЭРГИЙН ТАНИЛЦУУЛГА: Нэхэмжлэгч ХХК нь хариуцагч ХХК-ийг гэрээний үүргээ биелүүлээгүй, тохиролцсон төлбөр болон алдангийг төлөөгүй хэмээн үзэж, нийт 37,875,000 төгрөг гаргуулахаар нэхэмжилжээ. Хариуцагч нь үндсэн төлбөрийн үлдэгдлийг хүлээн зөвшөөрсөн боловч алданги төлөхөөс татгалзсан. АНХАН ШАТ: Зээлээр худалдах, худалдан авах гэрээний дагуу төлөгдөөгүй үлдэгдэл 25,250,000 төгрөг болон 0.5 хувиар тооцсон алданги 12,625,000 төгрөгийг нийт 37,875,000 төгрөгийг хариуцагчаас гаргуулж нэхэмжлэгчид олгож шийдвэрлэв.
ҮНДЭСЛЭЛ: Гэрээний үүргээ биелүүлээгүй үндсэн төлбөр болон гэрээнд заасан хэмжээгээр тооцсон алдангийг төлөх үүрэгтэй. Иргэний хуулийн 243.1, 232.6 дугаар зүйлд заасны дагуу гэрээний үүргээ биелүүлээгүй тохиолдолд алданги тооцох нь үндэслэлтэй.