ХЭРГИЙН ТАНИЛЦУУЛГА: Н.Ө нь Б.Д-н нүүрэн тус газар нь цохиж, хамрын ясны хугарал, таславчийн муруйлт бүхий хөнгөн хохирол учруулсан хэрэг. АНХАН ШАТ: Шүүгдэгч Н.Ө-г Эрүүгийн хуулийн 11.6 дугаар зүйлийн 1 дэх хэсэгт заасан хүний эрүүл мэндэд хөнгөн хохирол учруулах гэмт хэрэг үйлдсэнд тооцож, 450,000 төгрөгөөр торгох ял оногдуулж, 675,050 төгрөгийг хохирогч Б.Д-д гаргуулж, 2,257,252 төгрөгийн нэхэмжлэлийг нотлох баримт хангалтгүй гэсний үндэслэлээр иргэний журмаар шийдвэрлүүлэхээр болсон. ДАВЖ ЗААЛДАХ ШАТ: Хохирогч Б.Д нь хөнгөлөх нөхцөл буруу тогтоогдсон, хохирлын төлбөрийг бүрэн барагдуулах үндэслэлгүй гэж үзэн давж заалдах гомдол гаргасан.
ҮНДЭСЛЭЛ: Анхан шатны шүүх хуулийг зөв хэрэглэж, гэм бурууг тогтоож, ял оногдуулсан. Хохирогч нэхэмжилсэн мөнгөө иргэний журмаар шийдвэрлүүлэх эрхтэй бөгөөд үүнийг зөрчөөгүй. Давж заалдах шатны шүүхэд хохирлыг нэмж гаргуулах боломжгүй.